დაგვიანებით გთავაზობთ ხუთშაბათს “აუდის თასზე” მესამე ადგილისთვის მილანსა და ბოკა ხუნიორს შორის გამართულ ამხანაგურ შეხვედრას, რომლის ბედი როგორც მოგეხსენებათ პენალტების სერიამ გადაწყვიტა არგენტინელების სასარგებლოდ. არ შეიძლება იმ ფაქტის დავიწყება, რომ გუნდს საკმაოდ გადატვირთული გრაფიკი ქონდა თამაშების და ფეხბურთელები ძალიან გადაიღალნენ, რაც ჯერ კიდევ “მილანურ დერბიში” იყო აშკარა. რაც ყველაზე მთავარია, როგორც ლეონარდომაც განაცხადა მატჩის შემდგომ კომენტარში, გუნდმა მონდომებით ითამაშა და გამოამჟღავნა თამაშის წყურვილი. ასევე არ შეიძლება იმ გარემოების დავიწყებაც, რომ გუნდი თავის თამაშის ძიებაშია და ჯერ კიდევ იშუშებს იმ ჭრილობებს, რომელიც ლეგენდარული კაპიტნის, გუნდის ლიდერის და ბრწყინვალე თავკაცის წასვლის შემდეგ განიცადა. გუნდი გამარჯვებისკენ იღწვის, როგორც ყოველთვის მაგრამ აშკარაა, რომ მას გაძლიერება ჭირდება მაღალი კლასის ფეხბურთელებით იმისათვის, რომ მათ ღირსეულად შეეძლოთ ბრძოლა ლიგაზეც, შიდა ჩემპიონატშიც და ქვეყნის თასზეც. წინ მთელი თვე არის, ასე რომ ველოდოთ სასიხარულო შენაძენებს სილვიოსგან…